Best-Free-Plagiarism-Checker-For-Bloggers-2021

{2021} Best Free Plagiarism Checker For Bloggers

Hum bloggers ko khud ka content kitna unique hai, yah check karne ke liye plagrism checker ki avashyakta avashya hoti hai, jisse hum apne likhe huye article ka plagiarism check kar sakte hai aur apne content ko phir se edit kar use unique bana sakte hai. Isliye aaj hum aapke sath kuch best free plagiarism checker ki suchi is post mein sajha kar rahe hai.

Best-Free-Plagiarism-Checker-For-Bloggers-2021

Waise to aaj ke samay mein internet par bahut sare plagiarism checkers available hai, lekin is post me hum aapko acche se guide karenge aur aapko sabse best free plagiarism checkers ke bare mein batayege, jinki madad se aap apne content kitna unique hai aur kitna duplicate hai, yah check kar payenge aur phir apne content ko unique banakar google me acchi positions par rank kar payenge.

Kyonki google mein acchi position par rank karne ke liye aapke content ka unique hona bahut jaruri hai. Jitna aapka article ya content unique hoga, aapki post ke rank karne ke chances utne hi adhik honge.

Plagiarism checker tool aapko yah check karke batata hai aapka content kitna unique hai aur kitna percent content kisi aur website se match karta hai. Agar aapka content unique hai tab to koi dikkat nahi. Lekin jab aapke content kisi aur website se match karta hai to plagiarism checker tool aapka un paragraphs ki detail bhi show karta hai jo kisi aur website se copy kiya gaya hai ya kisi aur website ke content se match karta hai. Ye check karne ke baad aap apne content ko edit kar phir use unique bana sakte hai.

Best Plagiarism Checkers For Blogger For Free

To aaiye hum aaj aapko free plagiarism checker ke baare mein batate hai aur ant mein yah bhi batayenge ki kon sa plagiarism checker aapke liye best hoga.

1. Duplichecker

Duplichecker free mein plagiarism check karne ke liye sabse accha tool ho sakta hai, isme aap 1000 words tak ke content ka plagiarism check kar sakte hai. Yah plagiarism checker aapko batata hai ki aapka content kitna unique hai aur usme kitna percent duplicate content hai. Sath hi yah plagiarism checker tool yah bhi batata hai ki aapka content kis website se match karta hai. Iske alawa aap apne post ka url isme past karne bhi apne article ka plagiarism check kar sakte hai.

2. Grammarly

Grammarly bhi plagiarism check karne ka best tool hai, isme aap apne content ko past karke uska plagiarism check kar sakte hai. Grammarly tool ki madad se aap apne content ke sentences aur spelling mistakes ko bhi check sakte hai. Iske alawa grammarly tool ka paid plan bhi available hai.

3. Plagiarismdetector

Is plagiarism checker tool mein aap apne 1000 words tak ke content ko past karke uska plagiarism check kar sakte hai. Iske alawa aap apne post ke url ko past karke ya uski txt file ko upload karke bhi uska plagiarism check kar sakte hai. Yah bhi plagiarism check karne ke liye ek accha tool hai.

4. Prepostseo

Plagiarism checker tool ki list mein 4th number par aata hai prepostseo. Ye tool bhi badi aasali se aapke content ka plagiarism check karke aapko batata hai. Is tool mein aap bina sigh up kiye 1000 words ke article ka plagiarism check kar sakte hai. Iske alawa aap isme free mein registeration karke 1500 words ke article ka plagiarism check kar payenge. Aur yadi isse adhik words ke article ka aap plagiarism check karna chahte hai to iska paid plan le sakte hai.

5. Plagiarismchecker

Is plagiarism checker ke madhyam se aap kewal 800 words ke article ka hi free mein plagiarism check kar sakte hai. Agar aapko isse adhik words ke article ka plagiarism check karna hai to aapko is tool ka paid plan lena padega.

6. Searchenginereports

Ye plagiarism checker tool bhi bahut accha tool hai, jiski madad se aap 1500 words tak ke article ka badi hi aasani plagiarism check kar sakte hai. Iske sath aap apne post ke url ko submit karke bhi apni post ka plagiarism check kar payenge.

7. Smallseotools

Smallseotools bhi plagiarism check karne ka accha tool hai, isme aap 1000 tak ke words ke likhe article ka plagiarism check kar sakte hai. Sath hi apni post ka url dalkar bhi uska plagiarism check kar sakte hai. Maine personally is tool ko use kiya lekin mujhe ye itna accha nhi laga kyunki ye seo tool kuch baar bahut hi slow work karta hai aur koi data show nhi karta.

8. Check-plagiarism

Ye plagiarism checker tool aapke liye sabse tool sabit ho sakta hai, is tool ki madad se aap 10,000 se 15,000 words ki post ka bhi plagiarism check kar payenge, jo ki ye suvidha koi aur free plagiarism checker provide nhi karta. Iske baad mujhe nhi lagta aapko kisi bhi paid plagiarism checker tool ki avashyakta padhne wali hai. Kyunki dusre free plagiarism checker ke dwara 1000 se 1500 words tak ke article ka hi plagiarism check kar payenge, uske bade article ke liye aapko unki paid service leni padhti. Jo ki ye tool aapko free mein provide kar raha hai.

Conclusion: Aaj humne aapke sath is post best free plagiarism checker tools ki jankari sajha ki hai, aur aapko bataya hai ki aapki aavashyakta ke anusar kon sa plagiarism checker tool aapke liye best hoga. Aap apni requirements ke anusar isme se kisi bhi plagiarism checker ko use kar sakte hai.

Also Read: Best Online Business Ideas For Make Money In 2021 

Related Posts

Leave a Reply

Your email address will not be published. Required fields are marked *